Համաշխարհային ճանապարհորդության ինդեքսի կողմից կազմված վերջին վարկանիշային աղյուսակում Հայաստանը զբաղեցրել է 13-րդ տեղը՝ 193 երկրների շարքում։ Այս տեղեկությունը հայտնի դարձավ այսօր՝ հունվարի 5-ին։
Վարկանիշը կազմվել է արհեստական բանականության (AI) և զբոսաշրջիկների համար կարևոր տարբեր պարամետրերի վերլուծության հիման վրա։
Հայաստանը նշանակալի հաջողություն է գրանցել ոչ միայն ընդհանուր ցանկում, այլև տարածաշրջանային և աշխարհագրական կատեգորիաներում։ Եվրոպական երկրների շարքում մեր երկիրը զբաղեցնում է չորրորդ տեղը՝ զիջելով միայն Սան Մարինոյին, Անդորրային և Մոնակոյին։ Այսպիսով, Հայաստանը դառնում է եվրոպական երկրների շարքում չորրորդ ամենաապահով ուղղությունը։
Հատկանշական է նաև այն, որ Հայաստանը գլխավորում է հետխորհրդային երկրների վարկանիշային աղյուսակը՝ դառնալով այդ խմբի ամենաապահով երկիրը։
Հարևան երկրների արդյունքները հետևյալն են․ Վրաստանը զբաղեցրել է 26-րդ տեղը, իսկ Ադրբեջանը՝ 41-րդը։
Վարկանիշային աղյուսակում առաջին տեղը զբաղեցրել է Տուվալուն, որը փոքր պետություն է Օվկիանիայում։ Առաջին տասնյակում հիմնականում ներառված են եղել Ավստրալիայի և Օվկիանիայի այլ պետություններ, ինչպես նաև Եվրոպայի մի քանի երկրներ։
