Այսօր, մայիսի 26-ին, Երևանում կկայանա կարևոր միջոցառում, որի ընթացքում Հայաստանի արտաքին գործերի նախարար Արարատ Միրզոյանն ու ԱՄՆ պետքարտուղար Մարկո Ռուբիոն կստորագրեն փոխըմբռնման հուշագիր։
ԱՄՆ պետքարտուղարության կողմից տարածված տեղեկատվության համաձայն՝ Մարկո Ռուբիոն այսօր՝ 15։30-ին, կժամանե Երևանի միջազգային օդանավակայան։ Փաստաթղթի ստորագրման պաշտոնական արարողությունը նախատեսված է տեղի ունենալու 16։00-ին։
Հիշեցնենք, որ ՀՀ արտաքին գործերի նախարարությունը նախօրեին՝ մայիսի 25-ին, հայտնել էր ԱՄՆ պետքարտուղարի՝ Երևան կատարած այցի մասին։ Ըստ նախարարության հաղորդագրության՝ երկու պետական գործիչների հանդիպման արդյունքում նախատեսվում է երկկողմ փաստաթղթերի ստորագրում, ինչից հետո կողմերը կհանդես գան մամուլի համար նախատեսված հայտարարություններով։
ԱՄՆ պետքարտուղարի այցի մասին հայտնի դարձավ միայն նախօրեին, մինչ այդ այդ մասին որևէ պաշտոնական հայտարարություն չէր եղել։ Նա Երևան է ժամանելու Նյու Դելիից (Հնդկաստան)։
