ՀՀ կրթության տեսչական մարմինը 2025 թվականին իրականացրել է 101 ստուգում՝ հանրակրթական և նախադպրոցական կրթության ոլորտներում։ Ստուգումների արդյունքները ցույց են տալիս, որ ամենահաճախ հանդիպող խախտումները կապված են տնօրենների գործառույթների հետ և բուլինգի դեպքերի հետ։
Նախադպրոցական հաստատություններում տեսչական մարմինը հիմնական խնդիրներն արձանագրել է զարգացնող միջավայրի և համակազմի ճիշտ ձևավորման հետ կապված։ Դպրոցներում, սակայն, խախտումների հիմնական պատճառը բարենպաստ բարոյահոգեբանական միջավայրի բացակայությունն է, որը, ըստ օրենսդրության, տնօրենի անմիջական պատասխանատվության գոտին է։
2025 թվականին տեսչական մարմինը ստացել է ընդհանուր առմամբ 195 դիմում-բողոք, որոնցից 159-ը վերաբերել է հանրակրթական հաստատություններին։ Այս դիմում-բողոքներից 77-ը բավարարվել է, 42-ը՝ վերահասցեագրվել է այլ մարմինների, իսկ 64-ի ուղղությամբ տրվել են պարզաբանումներ։
Վերահասցեագրված դիմում-բողոքների մեջ առկան դեպքեր, որոնք վերաբերում էին ուսումնական հաստատություններում բռնությունների և դրամահավաքների դեպքերի։ Այս խնդիրները, որոնք դուրս են տեսչական մարմնի լիազորություններից, ուղարկվել են համապատասխան ուժային կառույցների։
ՀՀ կրթության տեսչական մարմնի ներկայացուցիչը նաև նշել է, որ ուսումնական հաստատություններում արձանագրվում է բուլինգի դեպքերի աճի տպավորություն։ Սակայն, ինչպես նա պարզաբանել է, խնդիրը ոչ թե դեպքերի քանակի աճն է, այլ այն, որ հասարակությունը և ուսանողները ավելի լավ են տեղեկացված բուլինգի հասկացության մասին և ակտիվորեն դիմում են դեպքերի մասին։ Այս փաստը վկայում է բարոյահոգեբանական մշակութային փոփոխության և խնդիրների հայտնաբերման մեխանիզմների բարելավման մասին։
