Հունվարի 31-ին անցկացված «Անգլերեն» առարկայի միասնական քննության ժամանակ մի քանի քննական կենտրոններում հայտնաբերվել են տպագրական սխալներ։ Քննության ընթացքում պարզ դարձավ, որ անգլերենի 2-րդ և 4-րդ տարբերակներում առկա էին տեխնիկական խոտաններ։
Հաշվի առնելով, որ քննասենյակներում ստեղծված իրավիճակը կարող էր ազդեցություն ունենալ դիմորդների քննական արդյունքի վրա, Գնահատման և թեստավորման կենտրոնը (ԳԹԿ) որոշել է կազմակերպել լրացուցիչ քննություն։ Այն տեղի կունենա 2026 թվականի մարտի 1-ին։
Քննությանը մասնակցած բոլոր այն դիմորդները, որոնք համաձայն չեն իրենց ստացած արդյունքի հետ, կարող են մասնակցել նոր քննությանը՝ անկախ իրենց ստացած թեստի տարբերակից։ Ըստ Կրթության, գիտության, մշակույթի և սպորտի նախարարության հաղորդագրության՝ նոր քննության արդյունքը կպահպանի բարձր միավորը։
Դիմորդները, որոնք ընդունում են իրենց ստացած արդյունքը, կարող են պահպանել այն՝ չմասնակցելով լրացուցիչ քննությանը։ ԳԹԿ-ն կտրամադրի հայտագրման գործընթացի վերաբերյալ լրացուցիչ տեղեկություններ։
