Հայաստանի վարչապետ Նիկոլ Փաշինյանը և Թուրքիայի նախագահ Ռեջեփ Թայիփ Էրդողանը հեռախոսով զրուցել են՝ քննարկելով երկու երկրների միջև հարաբերությունների կարգավորման ընթացքը։
Զրույցի սկզբում վարչապետ Փաշինյանը շնորհավորել է Թուրքիայի նախագահին Կուրբան-բայրամի տոնի առթիվ։
Հետագայում երկու ղեկավարները անդրադարձել են երկկողմ հարաբերությունների կարգավորման և տարածաշրջանային խնդիրների հարցերին։
Թուրքիայի նախագահ Էրդողանը նշել է, որ Անկարայի և Երևանի միջև հարաբերությունների կարգավորման գործընթացը շարունակվում է՝ ուղիղ առևտրի հաստատմանն ուղղված քայլերի շնորհիվ։ Նա ընդգծել է, որ Թուրքիան շարունակում է ակտիվորեն աշխատել տարածաշրջանում խաղաղություն և կայունություն ապահովելու համար և կաջակցի այդ ուղղությամբ ձեռնարկվող ցանկացած նախաձեռնությանը։
