Հայաստանի ընտրական օրենսգրքում առաջարկվող փոփոխությունները, որոնք սահմանափակում են հայրենիքից հեռու բնակվող քաղաքացիների ընտրական իրավունքը, փաստորեն մեկուսացնում են հայկական սփյուռքին իր երկրի և ժողովրդի հասարակա-քաղաքական կյանքից։ Այս կարծիքը հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ մեկնաբանելով նախաձեռնությունը։
Նրա խոսքով՝ օրենքի նպատակը սովորաբար պետք է լինի պաշտպանել քաղաքացիների իրավունքները, սակայն այս դեպքում, թվում է, որ հակառակն է տեղի ունենում։ «Հայկական անձնագրեր ունեցող մարդիկ զրկվում են իրենց հիմնարար իրավունքների մի մասից, մասնավորապես՝ ընտրություններին մասնակցելու իրավունքից», – նշել է նա։
Զախարովան նաև անդրադարձել է Մոլդովայի 2025 թվականի ընտրարշավի փորձառությանը, որտեղ, նրա խոսքով, Մայա Սանդուն «նպատակաուղղված ջանքեր էր գործադրում, որպեսզի Ռուսաստանում գտնվող հայրենակիցները չկարողանան իրացնել իրենց ընտրական իրավունքը»։
Դիվանագետը նկատել է, որ օրինագծի ներկայացման ձևը և այն, թե ինչպես է այն ներկայացվում լայն հանրությանը, նույնպես կարևոր դեր ունեն։ Նրա խոսքով՝ մի շարք կառավարամետ լրատվամիջոցներ փոփոխությունները ներկայացրել են որպես Կրեմլի կողմից իբրև հիբրիդային հարձակումների դեմ պայքարի միջոց, իբրև հայկական սփյուռքի ռեսուրսները փորձում են գործի դնել Ռուսաստանում։
Զախարովան ընդգծել է, որ այս «առասպելը» պարզապես հերքում են Հայաստանի Ազգային անվտանգության ծառայության կողմից ներկայացված տվյալները, որոնց համաձայն՝ 2025 թվականի մայիս-հունիս ամիսներին երկիր ավելի շատ քաղաքացիներ են մուտք գործել, քան այս տարվա նույն ժամանակահատվածում։ «Այսպիսով, ո՞վ է, ի վերջո, անազնիվ», – եզրափակել է նա։
Հիշեցնենք, որ ընտրական օրենսգրքում փոփոխություններ կատարելու մասին օրինագիծը, որը պատրաստել են իշխող «Քաղաքացիական պայմանագիր» խմբակցության պատգամավորները, նախատեսում է, որ համապետական ընտրություններում և հանրաքվեներում քվեարկելու իրավունք կունենան ոչ միայն Հայաստանի Հանրապետության քաղաքացիություն ունեցողները, այլև բնակության պահանջը բավարարողները։ Նախաձեռնության հեղինակների կարծիքով, սա պետք է հաստատի քաղաքացու իրական կապը պետության հետ՝ տնտեսական, սոցիալական և սոցիալ-քաղաքական ասպեկտներով։ Բացառություն է առաջարկվում անել այն պետական ծառայողների համար, ովքեր գտնվում են արտերկրում իրենց ծառայողական պարտականությունների կատարման պատճառով։
