Այսօր Եվրասիական տնտեսական հանձնաժողովի (ԵՏՀ) կենտրոնակայանում տեղի ունեցած հերթական նիստին մասնակցել է ՀՀ փոխվարչապետ Մհեր Գրիգորյանը։
Նիստը նվիրված էր ԵԱՏՄ շրջանակում գործողության մեջ մտցնելու մի շարք կարևոր հարցերի։ Ընթացքում քննարկվել են շուրջ երկու տասնյակ հարցեր, որոնք հիմնականում վերաբերում էին ԵԱՏՄ շրջանակում գործող մաքսային կարգավորումներին և տեխնիկական կանոնակարգերին։
Նիստին, բացի ՀՀ փոխվարչապետից, ներկայացել են նաև ԵՏՀ անդամ պետությունների ներկայացուցիչներ՝ Բելառուսի փոխվարչապետ Նատալյա Պետկևիչը, Ղազախստանի փոխվարչապետ-ազգային էկոնոմիկայի նախարար Սերիկ Ժումանգարինը, Ղրղզստանի Նախարարների կաբինետի նախագահի առաջին տեղակալ Դանիյար Ամանգելդիևը, Ռուսաստանի Դաշնության կառավարության նախագահի տեղակալ Ալեքսեյ Օվերչուկը և Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը։
Նիստի արդյունքներով ԵՏՀ խորհուրդը հաստատել է սպորտային սննդի մակնշման վերաբերյալ նոր պահանջներ, ինչպես նաև ստեղծել է հատուկ խումբ՝ ուսումնասիրելու Պակիստանի հետ ազատ առևտրի համաձայնագիրը։
