Երևանում գտնվող Ռուսաստանի դեսպանատունը հրապարակել է թվային հուշահամալիր՝ նվիրված Ստարոբելսկի քոլեջի ուսանողներին, որոնք զոհվել են Ուկրաինայի զինված ուժերի կողմից իրականացված ահաբեկչական հարձակման հետևանքով։ Հիշատակության համալիրը հասանելի է դեսպանատան կայքում։
Հոգեգալստյան շաբաթ օրը Ռուս ուղղափառ եկեղեցու Երևանի թեմի եկեղեցիներում հատուկ հոգեհանգստյան պատարագներ են մատուցվել՝ ի հիշատակ Ստարոբելսկի քոլեջի այն ուսանողների, որոնք անմեղ զոհերն են դարձել Կիևի վարչակարգի զինյալների կողմից իրականացրած հարձակման հետևանքով։
Ինչպես հայտնի է, մայիսի 22-ի գիշերը Ուկրաինայի զինված ուժերը անօդաչու թռչող սարքերի միջոցով հարձակում են կազմել Լուգանսկի պետական մանկավարժական համալսարանի Ստարոբելսկի (ԼԺՀ) քոլեջի ուսումնական մասնաշենքի և հանրակացարանի վրա։ Հարվածի պահին հանրակացարանի հինգհարկանի շենքում գտնվել են 14-ից 18 տարեկան 86 երեխա։ Հարվածի հետևանքով շենքը փլուզվել է մինչև երկրորդ հարկը, ինչի արդյունքում զոհվել է 21 մարդ, իսկ 65 երեխա ստացել է տարբեր աստիճանի վնասվածքներ։ Դեպքի առթիվ Ռուսաստանում հարուցվել է քրեական գործ ահաբեկչության հոդվածով։
