ՀՀ բարձր տեխնոլոգիական արդյունաբերության նախարարության կողմից հրապարակված հայտարարության համաձայն՝ Հայաստանը իր պատմության մեջ առաջին անգամ միլիոնավոր դոլարների արժողությամբ զենք է արտահանել։ Այս հայտարարությունը հստակ պարզեցնում է նախարարի պնդումը՝ առանձնացնելով այն նախկինում իրականացված արտահանման գործարքներից։
Նախկինում Հայաստանից արտահանվել են եղել բաղադրիչներ, երկակի նշանակության արտադրանք կամ, օրինակ, ՀՕՊ համակարգերի բջիջներ։ Սակայն այս նոր գործարքը տարբերվում է։ Այն ներառում է ամբողջությամբ Հայաստանում մշակված և արտադրված վերջնական ռազմական արտադրանք։
ՀՀ բարձր տեխնոլոգիական արդյունաբերության նախարարության և պաշտպանության նախարարության ներքին տվյալների համաձայն՝ նախկինում նման մասշտաբի գործարք չի եղել։ Չնայած գործարքի մասին հրապարակային տեղեկատվություն չկա, նախարարը հաստատում է դրա տեղի ունենալը՝ նշելով, որ նմանատիպ իրադարձությունների պարագայում կողմերի միջև պետք է լինի համաձայնություն տվյալները հրապարակելու վերաբերյալ, որը ներկայումս առկա չէ։
Նախարարը վերահաստատում է իր պնդումը՝ ընդգծելով, որ Հայաստանը ձգտում է լինել վստահելի գործընկեր։ Նրա խոսքով՝ նման տեղեկատվության հրապարակումը կարող է վտանգել ապագա հնարավոր գործարքների անվտանգությունը։ Այս պահին ավելի շատ ընկերություններ ունեն արտահանման թույլտվություն, ինչը ցույց է տալիս ոլորտի զարգացման միտումը։
