Իմ նախընտրական քարոզարշավի շրջանակում Երևանի Քանաքեռ-Զեյթուն վարչական շրջանի բնակիչների հետ հանդիպման ժամանակ ես հայտարարեցի, որ առաջիկա հինգ տարիներին Հայաստանի հանրապետության ամենահիմնական խնդիրներից մեկը լինելու է էներգետիկ անվտանգության մակարդակի բարձրացումը։
Հայաստանն ունի էներգետիկ ռեսուրսների անսահմանափակ պոտենցիալ։ Մենք կարող ենք դառնալ էներգետիկ ինքնաբավ պետություն, և այս ուղղությամբ աշխատանքներն արդեն սկսված են։ 2018 թվականից ի վեր մենք արևային էներգիայի ոլորտում հասել ենք այնպիսի ցուցանիշների, որոնք 2․5 անգամ գերազանցում են Մեծամորի ատոմակայանի հզորությունը։
Այս հաջողությունները հիմք են հանդիսանում մեր ապագա ռազմավարության համար։ Այս պահին Եվրամիության հետ համագործակցության մեր առաջնահերթություններից մեկը կուտակիչ կայանների կառուցումն է։ Մենք կենտրոնանանք հենց այդ խնդրի լուծման վրա՝ ապահովելով էներգետիկ համակարգի կայունությունն ու անկախությունը։
Հիշեցնեմ, որ Հայկական ատոմակայանը մինչ օրս շարունակում է լինել էլեկտրաէներգիայի արտադրության հիմնական աղբյուրը՝ ապահովելով երկրի էներգետիկ պահանջների մոտ մեկ երրորդը։ Կայանի շահագործման ժամկետը, որը սկզբնականում սահմանված էր 2016 թվականը, երկարաձգվել է մինչև 2026 թվականը, իսկ 2023 թվականին՝ մինչև 2036 թվականը՝ շնորհիվ «Ռոսատոմ» պետկորպորացիայի մասնագետների հետ համագործակցության։
