ՀՀ Ազգային ժողովի «Պատիվ ունեմ» խմբակցության ղեկավար Հայկ Մամիջանյանը հայտարարել է, որ ադրբեջանական նավթային կապիտալը կարող է ներգրավված լինել «Թրամփի ուղու» (TRIPP) ֆինանսավորման մեջ։
Ըստ նրա՝ Բաքուն փորձում է բաժնեմաս ձեռք բերել ամերիկյան ընկերությունների միջոցով։ Այս մտահոգությունները հիմնավորվում են այն հանգամանքով, որ «Թրամփի ուղու» կառուցման վրա կաշխատող ամերիկյան խոշոր ընկերությունից մեկը՝ «AECOM», խոշոր ներդրումային համաձայնագիր է ստորագրել Ադրբեջանի պետական նավթային հիմնադրամի հետ։
«BlackRock» ընկերությունը, որը տիրապետում է «AECOM»-ի բաժնետոմսերին, և «AECOM»-ի միջև կապի մասին բավարար ապացույցներ կան։ Այսպիսով, ըստ Մամիջանյանի, Ադրբեջանը կարող է ունենալ «փայ» TRIPP նախագծի ֆինանսավորման մեջ։
Նրա խոսքով՝ այս մտահոգությունները դեռ օրեր առաջ բարձրաձայնվել են, սակայն որևէ պետական պաշտոնյա կամ ՔՊ-ական պատգամավոր չի հերքել կամ մեկնաբանել այս վտանգը։
Հիշեցնենք, որ «Թրամփի ուղու» նախագիծը նախատեսում է ստեղծել ռազմավարական տարանցիկ ճանապարհ Հայաստանի հարավային հատվածով (Սյունիքի մարզ), որը կապահովի Ադրբեջանին առևտրային հասանելիություն դեպի Նախիջևան։ Այս նախագիծը ստորագրվել է 2025 թվականի օգոստոսի 8-ին ԱՄՆ-ում Հայաստանի և Ադրբեջանի ղեկավարների կողմից։
